Një aksident i rëndë ka ndodhur në aksin rrugor Fier-Ballsh, ku një ambulancë që po transportonte një të sëmurë në spital është përplasur me një mjet tip “Fiat”.
Pas përplasjes, ambulanca ka përfunduar jashtë rruge, ndëkohë që aksi i vjetër rrugor është bllokuar për gati gjysmë ore.
Mësohet se përplasja ka ndodhur në vendin e quajtur “Lalar”.
Sipas raportimeve, ambulanca e Spitalit të Ballshit po transportonte një të sëmurë në drejtim të Spitalit të Fierit.
Si pasojë e aksidentit kanë mbetur të plagosur edhe dy punonjës të ambulancës, të cilët po shoqëronin të sëmurin. Sakaq, të tre këta janë dërguar me urgjencë në spitalin e Fierit.
Policia ndodhet në vendngjarje dhe ka nisur hetimet për zbardhjen e ngjarjes. (D.D/Shuplaka)
