Po e kërkonte daja me pasaportë në dorë, 15-vjeçarja e pajetë ndodhet në morgun e spitalit

Një tjetër lajm i trishtë është raportuar në media në lidhje me tërmetin apokaliptik që tronditi vendin orët e para të mëngjesit të sotëm, ku mësohet se një vajzë e mitur është gjetur e pajetë.

Viktima është identifikuar si 15-vjeçarja, Drita Cakoni, ndërsa trupi i saj i pajetë ndodhet në morgun e spitalit të Lezhës.

Daja i saj ishte duke e kërkua të miturën me pasaportë në dorë në morgun e Spitalit të Lezhës.

Tashmë konfirmohet se numri i viktimave nga tërmeti ka shkuar në 24.

Raportohet se të tjerë persona ndodhen të bllokuar nën gërmadhat e ndërtesave të shembura nga tërmeti, ndërkohë që nuk dihet asgjë për fatin e tyre.

Tërmeti i fuqishëm u parapri nga disa lëkundje dhe u shoqërua nga pasgoditje të tjera, ku më e fuqishmja ishte me magnitudë 5.4.