Kreu i aleancës kuq e zi Kreshnik Spahiu tregon se nuk ishte vetëm një ai që e sulmoi, por tre. Në një deklaratë për mediat Spahiu tregon se si një nga agresorët iu afrua në vesh dhe i tha: “Po e shave mo Ramën je i vramë”. Ky person tregon Spahiu, fliste me dialekt verior.
Ndër të tjera ai tregon se përpara se të ndodhte sulmi, ai ka qenë duke pirë një kafe me deputetin socialist Taulant Balla.
Vetëm një orë më parë, Spahiu tregoi se një nga personat e ka goditur tre herë.“Më ka qëlluar nja dy tri herë. Kam dëmtime në fytyrë, dëmtime të rënda. Kam bërë kallëzim në Polici”, tha Spahiu.
Lidhur me këtë ngjarje ka përfunduar në pranga Flamur Pirraci, i cili mendohet të jetë një fans I ish-kryeministrit Sali Berisha, pas ka publikuar foto me të në rrjete sociale.
“Shoqrohet ne komisariatin e policise nr 1 shtetasi Flamur Pirraci, 34 vjeç, banues në Tiranë Ky shtetas dyshohet se ka qelluar me grusht shtetasin Kreshnik Spahiu gjate tubimit qe po kryet prane kryeministrise”, thuhet në njoftimin e policisë. (D.D/Shuplaka)
