A po e shqetëson Edi Ramën krijimi i frontit opozitar?!
Fillimisht një ide e Andi Bejtjes, realizuar më pas me vullnetin e lirë të Lulzim Bashës dhe Monika Kryemadhit, dy krerët e dy partive të mëdha janë bërë bashkë, duke u mbështetur edhe nga krerët e partive të tjera dhe duket se kjo situatë nuk po kapërdihet lehtë nga kryeministri i vendit.
Bashkimi i Kryemadhit me Bashën në fuqizimin e aksionit opozitar duket se ka nisur të japë frytet e veta. Në Parlament është rritur kërkesa e llogarisë ndaj qeverisë, kritikat ndaj saj dhe sigurisht tanimë Rama kundërshtarët politikë nuk i ka të përçarë.
E vetmja gjë që Rama mund të bëjë në këtë situatë është ndonjë batutë, duke përfituar nga mungesa e Kryemadhit në sallë.
”Lul, Monika të bën të ndihesh më i fortë por nuk të rrit dot”, i tha ai Bashës, ndërkohë që Basha krejt i qetë i ka servirur si kundërpërgjigje diçka për të cilën Rama nuk pati asnjë përgjigje.
Basha e akuzoi Ramën se po ul kufirin e TVSH-së për bizneset e vogla me qëllim që të përfitojë vëllai i tij Olsi Rama.
”Duhet të kisha dhe unë një kënaqësi perverse që të vinte sa herë këtu, shikoni sa dobët është, e ka humb fare!
Duke e nisur nga i vëllai i tij, nuk më ka hyrë asnjëherë në hesap asnjë anëtar i familjes sime dhe nuk do më hyjë kurrë!
Nëse një kryeministër ndërron kufirin e TVSH-së, vetëm për t’ia dhënë të vëllait, kjo cënon bukën e gojës të mijëra shqiptarëve!
Në momentin që familjen e përdor për të ndërtuar skema korruptive, koncesione korruptive, të tjerat nuk është se i di vetëm ti, i dinë edhe partnerët!”, i është kundërpërgjigjur Basha.
(V.G/Faxweb)
Monika Kryemadhi, Edi Rama, Lulzim Basha
Discussion about this post