Ylli Manjani i rikthehet idesë së tij se PD dhe PS po gatuajnë një koalicion të madh. Kjo mbështetet sipas Manjanit në tre pika që janë: mostërheqja e ministrrave, nxitimi i PD-së për të rizgjedhur Bashësn si dhe shtyrja në kohë e deklarimit të qeverisë së re nga Rama.
Duhet thënë se kryeministri Rama ka qenë disi i paqartë në lidhje me formimin e qeverisë së re, ku në fjalimin e fitores nuk ka munguar që të falenderojë as Bashën.
STATUSI I MANJANIT:
Supozim jo pa bazë.
Nxitimi i PD për të rizgjedhur Bashën;
-mostërheqja e ministrave teknikë pas humbjes;
-shtyrja në kohë e deklarimit të qeverisë së re nga Rama dhe
-mos deklarimi i PD që është në opozitë, të çojnë në një konkluzion:
Po gatuhet koalicioni i madh PS-PD!
Justifikimi formal është i fortë: të përballojmë politikisht negociatat për anëtarësim! Janë të vështira e me shumë kosto ç’është e vërteta. Kanë rënë thuajse të gjitha qeveritë që negociuan anëtarësimin në BE.
Arsyeja e vërtetë: të amnistojnë veten nga e shkuara dhe të imunizohen nga veprimtaria e SPAK, që është një institucion i fortë kundër pushtetit!
Morali?! Si gjithmonë, pa moral! Do hiqet një tepsi për të vënë një govatë!
Jam i sigurtë qe ekziston ky plan! Padyshim më i keqi për demokracinë!
Të shohim a do mund të realizohet! (E.K/SHUPLAKA)
Discussion about this post