Po i bënte shoferit të makinës si ‘i fortë’, e pëson keq këmbësori që po kalonte rrugën

Një këmbësor në Ontario është filmuar duke ecur ‘si i fortë’ përpara një makine, por e ecura nuk i shkoi dhe aq mirë deri në fund.

Në një video, disi gazmore, të shpërndarë në rrjet duket një këmbësor duke e parë në sy shoferin e makinës që kishte ndaluar përpara tij.

Por, ndërsa shihte shoferin, burri në video harroi të shohë rrugën përpara dhe përfundoi duke u përplasur me një shtyllë në trotuar.

Për fatin e keq të tij, gjithçka u filmua nga kamera që ishte vendosur në makinën e shoferit që po priste që ai të kalonte rrugën.

Gjithsesi, të paktën këmbësori që u përplas me shtyllën nuk ishe duke parë celularin ndërkohë që ecte pasi kjo praktikë pritet të bëhet e paligjshme në Nju Jork.