“Po i ikën përgjegjësisë”, Haradinaj i përgjigjet Ramës: Padia e pabazuar dhe diversion politik

Kryeministri në detyrë i Kosovës, Ramush Haradinaj ka reaguar menjëherë pas lajmit se Edi Rama e ka paditur në gjykatë për shpifje.

Në një reagim në “Facebook”, Harandiaj ka paralajmëruar se do të ketë një përgjigje në padi. Ai e ka akuzuar Ramën se gjithë këtë po e bën për t’iu larguar përgjegjësive.

“Sot është raportuar në media se Kryeministri i Shqipërisë Edi Rama ka deponuar padi kundër meje në Gjykatë. Unë, sipas ligjit, do të përgadis përgjigje në padi, në afatet e përcaktuara ligjore!

Padia e Kryeministrit Rama është plotësisht e pabazuar dhe një diversion politik që bëhet nga ana e tij, që të fshihet pas dramave mediale dhe t’i ikë përgjegjësisë. Kombi ynë dhe Kosova ka njerëz që i dalin zot në çdo kohë”, tha Ramush Haradinaj.