Vetë një ditë më parë Emiljano dhe Erildo Zyka bënë për spital vjehrrin e motrës së tyren dhe u arrestuan nga policia.
Të rinjtë ka ushtruar dhunë fizike ndaj shtetasit me inicialet J.S., 62 vjeç, banues në Patos, duke i shkaktuar dëmtime në fytyrë dhe në trup.
Dyshohet se gjithçka ka ndodhur pas shqetësimeve të motrës së tyre, e cila ankohej për trajtimin që i bënte babai i të shoqit. Për t’i marrë hakun motrës, të dy vëllezërit e së resë i kanë shkuar në shtëpi 62-vjeçarit, ku pasi kanë debatuar me të, e kanë rrahur derisa i kanë shkaktuar dëmtime fizike.
Gjatë dëshmirë së tyre në polici djemtë kanë deklaruar se ishin detyruar ta rrihnin 62- vjeçarin, pasi motra e tyre ishte ngarkuar kaq shumë psikologjikisht, sa po binte në depresion për shkak se vjehrri ia nxinte jetën.
“U detyruam ta dhunonim se vjehrri po ia nxinte jetën motrës sonë. I kërkonte t’i shërbente në shtëpi sikur të kishte marrë shërbëtore të tij. Kjo na ka irrituar pasi po e shihnim motrën që po kalonte në depresion nga situata familjare. Ne i kishim thënë burrit të motrës që të merrte masa dhe të disiplinonte marrëdhëniet në familje, por ai s’ka reaguar. Duke parë këtë gjendje të krijuar, ne shkuam të flisnim vetë me vjehrrin e motrës, por ai nisi të këmbëngulte në të tijën, ndaj situata precipitoi në këtë formë”, shpehen ata, shkruan Gazeta Shqiptare. (J.V/Shupalaka)
Discussion about this post