Deputeti i Partisë Demokratike, Tritan Shehu ishte i ftuar këtë pasdite në lidhje Skype në Fax News. Për gazetaren Rovena Neziri, Shehu foli për aksionin opozitar dhe tensionet e fundit në Kuvendin e Shqipërisë.
Ai u shpreh se këto janë forma të protestës opozitare si pasojë e shkeljeve kushtetuese të Ramës dhe mazhorancës.
Sipas tij, kryeministri po tenton të imponojë një opozitë ashtu siç do ai prandaj kërkon të përcaktojë dhe përfaqësuesit e opozitës në Komisione. Kjo protestë, për Shehun nuk ka për qëllim të bllokojë parlamentin, por ka qëllim vendosjen e tij në shinat e demokracisë.
Tritan Shehu: Kërkohet të imponohet një opozitë nga Rama, sipas interesave të Ramës dhe përfaqësuesit e saj të caktohen nga Rama. Jemi në një situatë anti-demokratike, të këtij regjimi që ka krijuar në parlamentin e Shqipërisë, të cilës po i kundërvihen deputetët e Partisë Demokratike me protestat e tyre, me mundësitë që kemi. Pikërisht për të sensilbilizuar opinionin publik për të ngritur zërin dhe për të kundërshtuar këtë revansh të regjimit që ka në marrjen e funksion të parlamentit. Këto protesta kanë për qëllim vendosjen e parlamentarizmit dhe kushtet e saj janë të qarta, të cilat janë ato që janë shkelur kohët e fundit në mënyrë madhore. Por veçanërisht ato që lidhen me Komisionet Hetimore. Kërkohet të caktohen në Komisionin Zgjedhor përfaqësuesit e opozitës siç i do Rama dhe jo ata që do opozita.
Kjo protestë e opozitës nuk ka për qëllim bllokimin e parlamentit. Përkundrazi ka për qëllim vendosjen e parlamentit në shinat demokratike. Rama do që të ketë një opozitë për fasadë dhe këtë gjë e kundërshtojmë ne. Ne duam të zhbllokojmë parlamentin nga duart e regjimit që ka kapur dhe në vendosjen në shinat e demokracisë. Ky është qëllimi.
Nga ana tjetër deputeti u pyet edhe për akuzat ndaj ish-kryeministrit Sali Berisha në lidhje me privatizimin e ish-kompleksit Partizani.
Ai shprehet se procesi ndaj Berishës është një proces politik me prova të montuara. Është shkelur kushtetuta dhe janë shkelur të drejtat e Berishës si deputet.
Tritan Shehu: Ajo që po ndodh me Berishën është një montim i një procesi gjyqësor i bazuar mbi elementë politkë. Në mënyrë antikushtetuese, anti ligjore, pa respektuar rregullat, as rregulloren e parlamentit shqiptar, ku shkelen të drejtat e deputetit në tërësi. Është një montim politk që nuk respekton as rregullat më elementare të rregullores së parlamentit.
