Pas administrimit të opinionit të Komisionit të Venecias, Komisioni Hetimor ka nisur procedurat sërish për shkarkimin e presidentit Ilir Meta, në lidhje me çdekretimin e zgjedhjeve të 30 qershorit.
Komisioni Hetimor administron dy raportet e Venecias për ligjshmërinë e zgjedhjeve të 30 qershorit. Administrimi i dy raporteve u votua nga të gjithë anëtarët e komisionit, pas asnjë votë kundër.
Kryetari i komisionit të Ligjeve, Ulsi Manja u shpreh se ka në dorë një informacion të klasifikuar sekret.
“Kam në dorë informacionin e klasifikuar sekret. Anëtarët që kanë çertifikatë të sigurisë kanë të drejtë ose jo të njihen me informacionin.”- u shpreh Manja.
Deputeti Alban Zeneli u shpreh se komisioni duhet të mbaroj punë një orë e më parë dhe se duhet të jenë korrekt para shqiptarëve, pasi po këkrohet të bëhen pazaret e radhës.
“Komisioni duhet të jetë i kujdesshëm në retorikën që bën lidhur me situatën e krijuar. Jemi pak të vonuar, komisioni duhet te mbaroj një orë e më parë. Të mos merremi me retorika boshe, nga informacionet qe kemi ne kerkohet ky komision të shtyhet. Çdo lloj retorike nga Edi Rama e kanë cënuar procesin. Duhet te jemi korrekt përpara shqiptarëvë. Po kërkoni kohë për të bërë pazaret e radhës. Nuk do të behem pjesë e asnjë lloji pazari apo retorike qe do beni me Presidentin.”- deklaroi Alban Zeneli.
(M.Q/Faxweb.al)
