Një aksident tragjik i mori jetën një shqiptari në Itali ku sipas asaj që shkruajnë mediat e vendit fqinj, 65-vjeçari, identiteti i të cilit nuk bëhet i ditur, ishte duke u kthyer nga dasma e vajzës të tij.
I moshuari ndodhej në makinë me gruan dhe vajzën tjetër në momentin kur ndodhi aksidenti ku mjeti me të cilin po udhëtonte, u përplas me një veturë tjetër, duke lënë të plagosur drejtuesen e saj ndërsa plagë nga aksidenti mori edhe vajza e shqiptarit.
Ngjarja e rëndë ndodhi në komunën Gioia Tauro në Kalabria. Sipas informacioneve të para, për shkak të impaktit të fortë, një prej makinave doli nga rruga, ndërsa tjetra u bllokua në mes të saj.
Shkaqet e aksidentit mbeten të paqarta, ndërsa autoritetet kanë nisur punën për të zbuluar rrethanat e plota të ngjarjes.
(F.GJ/FAXWEB.AL)
Discussion about this post