Një ngjarje e rëndë raportohet të ketë ndodhur në fshatin Qarr në zonën e Martaneshit. Mësohet se një grua ka humbur jetën si pasojë e rënies në humnerë.
Viktima është identifikuar si Zana Jashkurti 44 vjeçe. Mësohet se ajo ka qenë duke kullotur bagëtitë, kur i ka rrëshqitur këmba dhe ka rënë në humnerë.
Burime të policisë bëjnë me dije se ngjarja ka qenë aksidentale, ajo ka rrëshqitur si pasojë e akullit. Bëhet e ditur se ajo është gjetur me dëmtime në kokë. Kanë nisur hetimet për zbardhjen e plotë të ngjarjes. (XH.A/SHUPLAKA)
