“Po më digjen prindërit”, zjarrfikësit i përgjigjen thirrjes për ndihmë të vajzës, normalizohet situata në Mallakastër

Pas zjarrit masiv në fshatin Çorrush në Mallakastër, forcat zjarrfikëse të Patosit i janë përgjigjur thirrjes për ndihmë.

Mësohet se me ndërhyrjen e tyre, situate është vënë nën kontroll dhe kanë arritur të shpëtohen banesat e rrezikuara.

Shefi i MZSH Patos, Halimi tha se ishte një vajzë ajo e cila bëri apel për ndihmë, duke rrëfyer se në Çorrush 7 familje kishin mbetur të bllokuara nga flakët.

Kujtojmë se në një lidhje telefonike me Neës 24, vajza e familjes Dervishi, tha kishte ardhur nga Vlora në Çorrush për ndihmuar prindërit e saj të bllokuar në banesë, mirëpo ajo nuk arrinte dot të afrohej për shkak se flakët ishin masive.

“Situata është shumë alarmante, kemi dy orë që e marr policinë e shtetit, zjarrfikëset, por askush nuk vjen. Ne u sosën nga Vlora por s’ju japim dot ndihmë. Nuk ka asnjë ndihmë nga shteti. Ku është shteti?! E gjithë lagjja është rrethuar nga flakët, po na digjen prindërit brenda (qan). Duhet ndihmë nga ajri se po digjen brenda, ju lutem”,- tha vajza gati duke qarë. (D.D/Shuplaka)