Të paktën 10 persona kanë humbur jetën si pasojë e marrjes nga dallgët në momentin që ato po qëndronin në breg dhe po meditonin.
Mediat e huaja bëjnë me dije se viktimat ishin anëtarë të një grupi prej 23 personash, të cilët po meditonin, duke mbajtur duart e njëri-tjetrit, në një plazh në Payangan, në provincën Java Lindore në Indonezi.
“Ata ishin shumë afër detit dhe nuk mund të shpëtoheshin kur valët e baticës i rrëmbyen”, ka thënë shefi i policisë lokale Heri Pournomo.
Ndërkohë deri më tani janë nxjerrë 10 trupa të pajetë nga oqeani dhe 12 persona u shpëtuan ndërsa vijon të jetë i zhdukur një 40 vjeçar.
Discussion about this post