Ditën e djeshme kreu i qeverisë Edi Rama teksa fliste lidhur me aksionin për mbylljen e lojërave të fatit dhe të basteve sportive, u shpreh se deputetët e tij po marrin mesazhe kërcënuese nga burgu.
Sipas Ramës kjo bëhej nga kriminelë të rrezikshëm, më qëllim që të intimidojnë ligjvënësit për këtë aksion kaq të rëndësishëm që pritet që të hidhet në votim në seancën e së enjtes së ardhshme.
Mirëpo në deklaratën e Ramës, ish-ministri Ylli Manjani ka gjetur dy detaje interesante, për të cilat ngre edhe pyetje përkatëse, që lidhen së pari me faktin se të burgosurit edhe pse nuk lejohej paskërkan celularë, dhe e dyta pse kanë në listën e kontakteve të tyren numrat e deputetëve.
Reagimi i Manjanit:
Dy pyetje për partinë shtet që na e kërcënokan nga burgu:
- Këto të (para)burgosurit nga i marrin celularët që shkruajnë sms? Në burg nuk lejohen celularët.
- Nga jua dinë numrat e telefonëve deputetëve, të cilëve ju shkruajnë?! Me kaq konfidencë vetëm të njohurve mund t’i shkruash. Apo edhe këto pyetje janë shpifjeeeeee…
(E.K/FAXWEB.AL)
