Deputeti demokrat Dashamir Shehi ka reaguar sot në Komisonin e Ekonomisë në lidhje me ndërtimin e aeroportin të Vlorës.
Sipas tij është e nevojshme zgjerimi i hapësirës aeroportuale po duhet që të hapen mundësitë dhe për vendet e tjera, që të mos e kthejmë Shqipërinë në një Perandori Osmane.
“Unë kërkoj që të hapet mundësia dhe të shikohen dhe ofertat nga vendet europiane. Ça do bëjmë ne këtu do ndërtojmë Perandorinë Osmane, nuk po them që duhet që të bllokojmë miqtë tanë turq.
Ne duhet që të shohim nga Europa, pasi ky rajon ka shumë turbulenca politike”, u shpreh Shehi në Komision.
Tre kompanitë që kanë shprehur interesin për ndërtimin e aeroportit të Vlorës, operojnë në Turqi.
Të njëjtin qëndrim ka mbajtur edhe ish-ministri i Transporteve nga LSI, Edmond Haxhinasto. “Pse nuk i lihet një investitori shqiptar ndërtimi i aerportit? Aeroporti i Rinasit është ndërtuar nga investitor shqiptar pavarësisht se paratë erdhën nga jashtë”, tha Haxhinasto.
(E.K/FAXWEB)
