Kjo është një video e sapopublikuar nga ”Qytetarët për parkun”, ku tregohet mënyra amatore si pastrohet parku i liqenit artificial në Tiranë.
”Po ndodh tek parku i liqenit të Tiranës: Së pari ky kamion me rimorkio të hapur plot me mbetje dhe punëtorët me lopatë e me sfurk është zgjidhja teknologjike që ofron Bashkia e Tiranës me 420 lekë të reja që paguan çdo familje e Tiranës në faturën e UKT. Së dyti tashmë parku i liqenit ndotet vazhdimisht nga automjetet e bashkisë, stafi i të cilëve nuk mjaftohen me lëvizjen në park por shtrohen në muhabet në timon me automjet ndezur.”, denoncojnë ”Qytetarët për Parkun”.
Lëvizja e mjeteve në park është kthyer në problem për qytetarët që duan të shijojnë qetësinë dhe ajrin e pastër, por me sa duket për drejtuesin e automjetit dhe punonjësit as që është prioritet. (V.G/SHUPLAKA)
