Një ditë më parë, kryebashkiaku erion Veliaj ka deklraur se prej 3 ditësh edhe me Këshillin Bashkkiak, edhe drejtorin e taksave ka filluar një diskutim për një plan masash në lidhje me biznesin për shkak të mbylljes së shumicës së tyre për shkak të koronavirusit.
Veliaj tha se nuk ka asnjë arsye pse Bashkia të mbledhë taksën e hapësirës publike. “Kështu që sigurisht me një të dymbëdhjetën do të zbresë taksa për atë muaj që nuk ka pasur punë lokali ose bari. Kjo është gjëja që ja pret mendja secilit”, tha ndër të tjera Veliaj ndërsa shtoi se ajo që do të shikohet është periudha se sa do të zgjasë kjo periudhë që pastaj edhe masa të jetë korresponduese .
“Kemi rreth tre ditë që tashmë edhe me Këshillin Bashkkiak, edhe drejtorin tonë të taksave kemi filluar një diskutim. Mua më duket e arsyeshme, fjala vjen nëse një muaj nuk punojnë lokalet nuk ka asnjë arsye pse Bashkia të mbledhë taksën e hapësirës publike. Kështu që sigurisht me një të dymbëdhjetën do të zbresë taksa për atë muaj që nuk ka pasur punë lokali ose bari. Kjo është gjëja që ja pret mendja secilit. Megjithatë ajo që do duhet të shohim është sa do të zgjasë kjo periudhë që pastaj edhe masa të jetë korresponduese. Ne nuk mund të bëjmë atë që bënin ato parti që drejtonin këtë shtet dhe qytet, dhe që improvizojnë tërë kohën. Kjo nuk bëhet me improvizim. Sapo të shohim derisa zgjat le të themi karantina, ose shtetrrethimi, ose ndërprerja e funksionit ekonomik, masa do të duhet të jetë në proporcion me këtë. Nëse ne themi këtë fundjavë nuk do paguhet taksa, dhe kjo zgjat edhe tre muaj, kjo nuk bëhet me shto ujë dhe shto miell. Kështu që ne do të shohim sa do të zgjasë kjo periudhë dhe masa që Bashkia do marrë për bizneset lokale, duhet të jetë në proporcion me sa zgjat periudha dhe jo me improvizime të atyre që i kemi parë se si i kanë menaxhuar krizat, dhe nuk është ky momenti për të bërë politikë”, tha kryebashkiaku.
Në lidhje me këtë deklraratë ka reaguar edhe PArtia demokratike përmes zëdhënëses Ina Zhupa e cila shprehet se një propozim i tillë është bërë më 11 Mars nga kryeopozitari Lulzim BAsha teksa ka publikuar edhe një pjesë të deklaratës së këtij të fundit.
“Masa e marrë nga Bashkia e Tiranës sot për bizneset është ekzakt çfarë Kryetari i Partisë Demokratike Lulzim Basha ka propozuar që në 11 Mars: Bizneset në zonat e prekura nga COVID-19 të mos paguajnë taksa dhe tarifa vendore për të pakten 3 muaj.
Të njëjtën gjë kërkuam edhe dje.
Janë gjithmonë një hap pas propozimeve tona. Gjithmonë të vonuar dhe pa ide për t’u shërbyer në kohë qytetarëve. Rëndësi ka që ndjekin opozitën dhe zbatojnë propozimet e Partisë Demokratike në dobi të interesit të qytetarëve, të shëndetit, sigurisë dhe mirëqenies së tyre.
Lehtësimi i bizneseve nga taksat në Tiranë është jetik. Nën drejtimin e Erion Veliajt, nga vjet, ato janë rritur me 33 %.”, shkruan Zhupa përkrah videos.
(F.GJ/FAXWEB.AL)
