Një punëtor është aksidentuar gjatë punës, në një pallat që po ndërtohet pas ambienteve të presidencës në Tiranë.
Mësohet se punëtorit i ka rënë gurë në kurriz, por që fatmirësisht është jashtë rrezikut për jetën.
Njoftimi i policisë:
Sot, me datë 10.02.2020, rreth orës 11:35, në rrugën ” Ibrahim Rugova”, ku po ndërtohet një pallat i ri, shtetasit Xh.D ., 41 vjeç , puntor, i ka rënë një gur në trup, i cili është dërguar menjeherë në spital, ku ndodhet jashtë rrezikut për jetën.
Grupi hetimor dhe shërbimet e Policisë ndodhen në vendngjarje dhe vijon puna për zbardhjen e rrethanave të ngjarjes.
