Në prangat e policisë italiane Morciola ka rënë një 30-vjeçar shqiptar i cili akuzohet për trafik droge.
Pas arrestimit në flagrancë, agjentët e policisë i gjetën në banesë lëndë narkotike kokainë dhe 10 mijë euro cash.
I riu u pikas në rrugë teksa po i shiste 6.24 gram kokainë një shtetasi italian. Dyshohet se ai ishte pjesë e një grupi që shpërndante lëndë narkotike për të siguruar të ardhura.
Sipas burimeve, shqiptari u arrestua me akuzën e shpërndarjes së drogës dhe është dërguar në burgun e Pesaros.
Pasditen e djeshme gjyqtari i Gjykatës së Urbinos vendosi ta lërë atë në masën e sigurisë “arresti shtëpie”, deri në hetimin e plotë.
