Presidenti i La Ligas, Javier Tebas vazhdon ti kundështojë me forcë ekipet që bëjnë shpenzime të çmendura në merkato.
Nëpërmjet një postimi në Twitter, Tebas akuzon direkt PSG-në për shpenzimet stratosferike.
“Klubet-shtet janë të rrezikshem për ekosistemin e futbollit po aq sa edhe Superliga. Kemi kritikuar Superligën, pasi po shkatërronte futbollin europian, dhe jemi po kaq kritikë edhe në drejtim të PSG-së. Humbjet nga pandemia i kanë kaluar mbi 300 milionë euro, përfitimet nga të ardhurat e të drejtës televizive në Francë ranë me 40%, atëherë si i paguajnë 500 milionë euro paga? Kjo është e papranueshme”, – përfundon numri një i kategorisë elitare spanjolle.
Kjo deklaratë menjëherë u lidh me rastin e Mbappe, por numri 1 i La Ligas një gjë të tillë e ka bërë edhe me klube të tjera si Manchester City.
Këto deklarata përforcojnë edhe më tepër dyshimet në lidhje me korrektësinë e menaxhimit të klubeve të sheikëve, që për hirë të së vërtetës janë të vetmit që nuk e kanë ndjerë krizën e pandemisë.
Los clubs-estado son tan peligrosos para el ecosistema del fútbol como la Superliga. Fuimos críticos con la Superliga porque destruye el fútbol europeo y somos igual de críticos con el PSG. Pérdidas Covid +300M; ingresos de TV en Francia -40%; ¿y +500M en salarios? Insostenible.
— Javier Tebas Medrano (@Tebasjavier) August 31, 2021
