Fituesi i kupës së botës Iker Casillas ka pësuar një atak kardiak.
Portieri 37 vjeçar, i cili fitoi çmimin më të madh të futbollit me Spanjën në vitin 2010 u shoqërua menjëherë në spital dhe fatmirësisht mësohet se është në gjendje të qendrueshme.
Mësohet se Casillas ishte në përgatitje intensive për ndeshjen e radhës kundër Aves këtë fundjavë.
Sipas mediave të huaja, Casillas pësoi një infarkt miokardi, i njohur si një sulm në zemër por u trajtua shpejt dhe është jashtë rrezikut për jetën.
Ai vazhdon të jetë në spital dhe nuk do të luajë më në Porto në pjesën e mbetur të sezonit të tyre të Primeira Liga.
Ai shkoi në Porto në 2015 me gruan Sara Carbonero.
Gjatë karrierës së tij futbollisti legjendar ka fituar tri herë Champions League, në vitin 2000, 2002 dhe 2014.
