“Po të bëj një pyetje këmba mbi këmbë”, Rama i përgjigjet Nanos: As që më ka shkuar në mendje!

Kryeministri Edi Rama ka qenë mbrëmjen e djeshme në Opinion, ku iu përgjigj një paneli gazetarësh në lidhje me çështjet e aktualitetit politik, si dhe vendimit për të mos i çelur negociatat me Shqipërinë nga ana e BE.

Në një moment të emisionit gazetari Mustafa Nano, i ka bërë një pyetje shumë të thjeshtë Ramës, nëse do të ishte më mirë nëse nuk do të ishte në krye të qeverisë.

Kryeministri tha se nuk i kishte shkuar asnjëherë në mendje kjo gjë.

Pjesë nga debati:

Mustafa Nano: Kam një pyetje shumë të thjesht dhe po e bëj këmba mbi këmbë zt.Kryeministër. Ju ka shkuar ndonjëherë në mendje se po të mos jeni ju kryeministër, vendi do të bëhet më mirë?

Edi Rama: Sikur të më shkojë në mendje kjo, unë menjëherë largohem, por kjo nuk më ka shkuar ndonjëherë në mendje të jem i sinqertë.

Mark Marku: Dhe as nuk do të shkojë kështu që duhet të gjejmë formën se si të largohesh se kështu do shkojë pafund.

Edi Rama: Mos kërkoni forma për të më larguar mua sepse aq më shumë do më keni këtu.

Mark Marku: Nuk mendoj se ka ndonjë gjë anormale të kërkosh largimin e kryeministrin në një demokraci.