Një mësues aksidentalisht shkrepi pistoletën brenda një klase në Kaliforni të Shteteve të Bashkuara, ndërsa ironikisht ishte duke u folur nxënësve për sigurinë publike.
Nga shkrepja e armës u plagosën tre studentë, sipas informatave të policisë.
Mësuesi Dennis Alexander e kishte drejtuar armën në tavan dhe padashje tërhoqi këmbëzën. Ngarja ndodhi të martën në Shkollën e Lartë të Seaside, tha Abdul Pridgen, shefi i policisë së qytetit.
Copëza të plumbave u rikthyen nga tavani (rikoshet) dhe goditën një student 17-vjeçar në qafë, tha Pridgen. Menjëherë pas incidentit, mësimi rifilloi si zakonisht.
Babai i nxënësit, Fermin Gonzales, tha se çoi djalin e tij në spital, pasi 17-vjeçari u kthye nga shkolla me gjak në këmishën e tij dhe një dëmtim në qafë.
“Ai është paksa i tronditur, por ai do të jetë në rregull,” i tha Gonzales KSBË. “Unë jam mjaft i mërzitur që askush nuk na ka thënë gjë dhe na u desh ta thërritnim policinë për ta raportuar”.
Dy nxënës të tjerë u plagosën gjithashtu nga mbetjet, por policia tha se të gjitha plagët e tyre janë të vogla.
Departamenti i policisë dhe distrikti shkollor e vendosën mësuesin në masa administrative duke hetuar nëse ai ishte ligjërisht i lejuar të mbante një armë në kampus.
“Unë mendoj se shumë pyetje mbeten se pse një mësues do të tregonte një armë zjarri të ngarkuar në tavan para studentëve”, tha KSBË, superintendenti PK Diffenbaugh.
Armët janë të ndaluara në mjediset shkollore, megjithëse ka edhe përjashtime që përfshijnë zbatimin e ligjit.
Përshtati nga anglishtja Faxweb
Discussion about this post