Gjendja e vështirë shëndetësore që po kalon poeti i mirënjohur Bardhyl Londo, në një nga spitalet e kryeqytetit e ka bërë atë të marrë një vendim i cili do t’i linte gjithë miqtë dhe dashamirësit e tij të trishtuar.
Për shkak të ditëve të vështira që po kalon, ai i ka ‘autorizuar’ miqtë e tij më të afërt që të shpërndajnë lajmin e keq se ai, ‘po ikën nga kjo botë’.
Mirëpo Ilir Kadia një prej miqëve të poetit, i mërzitur me këtë “vepër” të tijën ka vendosur t’i dedikojë disa vargje të ndjera në faqen e tij në Facebook, të cilat na kanë emocionuar të gjithëve.
‘Bardhyl Londo e ke kot! Ti na autorizon të shpërndajmë lajmin se po ikën nga kjo botë! Kërkon të shohësh në sytë tanë lot për ty së gjalli!
Kërkon të shohësh sa do marrë malli! Kërkon ta shohësh vetë përcjelljen tënde!
Mirëpo e ke kot o Mik! Poeti është varg!
Njeriu është mish e kockë që tretet! Vargu i poetit mbetet! Ti nuk ikën dot! Bardhi e ke kot!’, shkruan Kadia.
Discussion about this post