Në vijim të punës për parandalimin, evidentimin dhe goditjen e veprimtarive kriminale në fushën e narkotikëve dhe armëmbajtjes pa leje, Drejtoria Vendore e Policisë Korçë finalizoi me sukses operacionin policor të koduar “Cold Hand”, duke goditur një rast të shpërndarjes së lëndëve narkotike dhe armëmbajtjes së paligjshme në qytetin e Pogradecit.
Si rezultat i hetimeve të kryera nga specialistët për Hetimin e Narkotikëve, të Krimeve të Rënda dhe strukturat “Shqiponjat”, si dhe me mbështetjen e shërbimeve operacionale, u bë e mundur arrestimi në flagrancë i shtetasit:
🔹 F. M., 27 vjeç, banues në Pogradec, me precedent penal të mëparshëm për veprat penale “Vrasje” dhe “Vrasje e mbetur në tentativë”, person me rrezikshmëri të lartë shoqërore.
Gjatë operacionit dhe kontrolleve të ushtruara në automjetin, banesën dhe personin e tij në lagjen nr. 1, Pogradec, u sekuestruan në cilësinë e provës materiale:
-
1 pako me lëndë narkotike të dyshuar kokainë
-
2 armë zjarri pistoletë
-
1 silenciator
-
3 krehra me fishekë
-
1 shkop metalik dhe një shufër metalike me mbishkrimin “Policia”
-
5 aparate celularë, 2 karta banke, 1 pasaportë biometrike
-
Një shumë parash në lekë, euro dhe dollarë australianë
-
Automjeti i përdorur nga i arrestuari
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë për veprime të mëtejshme, për veprat penale:
-
“Prodhimi dhe shitja e narkotikëve”,
-
“Prodhimi dhe mbajtja pa leje e armëve luftarake dhe municionit”,
-
“Prodhimi, mbajtja, blerja apo shitja pa leje e armëve të ftohta”.
Policia e Shtetit mbetet e vendosur për të luftuar pa kompromis çdo formë të kriminalitetit dhe falë bashkëpunimit me qytetarët, do të vijojë operacionet për garantimin e rendit dhe sigurisë publike.
