Një incident është shënuar sot në qytetin e Pogradecit, pasi një 68-vjeçar ka tentuar të vetëhidhej nga kati i gjashtë i apartamentit ku banonte.
Banorët e lagjes janë alarmuar, ndërsa në vendngjarje mbërriti policia dhe zjarrfikësit. Në përpjekjen e tij për të shpëtuar zotërinë, një efektiv policie tentoi të hynte nga dera por personi e goditi me çekiç në kokë duke i shkaktuar plagë dhe u mbyll përsëri brenda.
Pas kësaj tentative të dështuar, policia dhe zjarffikësit tentuan të hynin në banesë nga ballkoni nëpërmjet shkallëve të zjarrfikëses, mirëpo sërish u përballën me një të papritur tjetër.
Ndërsa një nga zjarrfikësit tentoi të hynte nga ballkoni, për të ndaluar 68-vjecarin të vetëvritej, ky i fundit e ndihmon atë të hipë në ballkonin e tij dhe ta shpëtonte.
Agron Qose quhet 68-vjecari i cili tentoi të vetëvritej. Ai u shoqërua me ambulancë për në spitalin e qytetit për t’u mjekuar por edhe për t’u qetësuar pas ngjarjes. Ndërkohë bashëeblutë kanë nisur hetimet. (D.D/Shuplaka)
Discussion about this post