Polemikat e Ramës me fenë, Zekthi: Brroçkulla që lëshoi në Elbasan, e di dhe një fëmijë 10-vjeçar (Video) 

Lidhur me deklaratat e fundit të kryeministrit Edi Rama për besimin e tij fetar ka pasur një sërë polemikash në rrjet. Kjo ka qenë tema e diskutimit dhe sot në studion e ‘’Fax news” teksa i ftuar ka qenë politologu Fitim Zekthi.

Ai tha se kjo deklaratë e Ramës është qesharake, pasi edhe vetë myslimanët që mbajnë Ramazan nuk e kanë problem që të lexojnë Biblën. Z

ekthi tha se Rama dhe njerëzit që janë rreth tij e kanë zakon që të bëjnë gjithçka, që të bienë në sytë e njerëzve, dhe të mos zgjidhin problemet reale që shqetësojnë komunitetin.

‘’Deklarata e Ramës është qesharake, pasi dhe vetë myslimanët që mbajnë Ramazanin nuk besoj se e thonë këtë. Kjo bëhet për të krijuar idenë se politikanë të tillë, përpiqen të sillen si individë me përmasa të jashtëzakonshme.

Dua të them diçka, kur Veliaj u bë ministër i çështjeve sociale, mori një fëmijë romë dhe e futi në makinën e tij për ta çuar në spital. Nëse ai vërtet do e bënte këtë çdo ditë, atëherë situata do të kishte ndryshuar”, u shpreh Zekthi.

Më tej duke komentuar shtrimin e disa iftareve nga politika, Zekthi u shpreh se në shumë takime me komunitetin mysliman Rama lëshon broçkulla. Sipas Zekthit një pjesë e mirë e myftinjve janë të detyruar që të dëgjojnë Ramën dhe nuk e kundërshtojnë dot atë.

‘’Lidhur me shtrimin e iftareve nga ana e politikës, unë do të isha shumë dakord nëse do të përdoreshin për tiu treguar besimtarëve që i respekton vlerat e tyre. Ti nuk mund të sillesh si myslimanë, ndërkohë që pak kohë më parë ke thënë se je katolikë. Iftaret kanë një contrast të madh me mënyrën sesi ti qeveris.

Rama në Elbasan foli 15 minuta, ndërsa vetë imami 7 minuta. Imami foli për vlerat e besimit, ndërsa Rama foli për trashëgiminë kulturore, foli për përpjekjet e qeverisë për të rikonstruktuar xhaminë, ishte një fjalim qesharak. Njerëzit ishin ulur, po prisnin që kjo ceremoni kaq sublime dhe madhështore, ti shkon dhe iu mban fjalime të tilla.

Rama lëshon broçkulla, tha se ka lexuar në hadith, ndërkohë që Kurani nuk ka hadith, këtë e di dhe një fëmijë 10-vjeçar që ka shkuar të paktën njëherë në xhami”, u shpreh më tej Zekthi.
(E.K/FAXWEB.AL)