Shisnin fruta, policët e Bashkisë bllokojnë tregtarët ambulantë
Disa foto të publikuar nga “Nisma Thurje” tregojnë policët e Bashkisë së Tiranës të cilët bllokojnë qytetarin i cili po shiste fruta në një nga rrugët e Tiranës.
Sipas asaj që shkruan “Nisma Thurje” kjo po bëhet për shkak se tregtarët ambulantë po i bëjnë konkurencë kioskave të Veliajt.
POSTIMI I “NSMA THURJE”
Si s’morët vesh asnjëherë?!
Ore zotërinj s’mund tē dilni të shisni në rrugë e të prishni pazarin e kioskave të lali €rit. Si guxoni të mendoni se mund t’i hyni në hise kioskave të Top Channel? Ju ka ikur mendja?!
Po gjithe ato kronika televizive, nga 15 herë në ditë, kush do t’ia nxjerri lali €rit?
Prandaj mos vazhdoni më, ose më keq keni për ta pësuar. Se s’do t’ia dijë njeri se s’keni bukë në shtëpi, po i shkelët lali €rit në kallo, fluturoni me gjithë domate.
Doni një zgjidhje? -Ikni në kurbet. Ky qytet, ky vend s’ka vend për ju….Urdhër i të madhit! (B.H/Shuplaka)
