Një qytetar ka ndaluar makinën përballë shkollës “Musine Kokalari” në Kombinat, duke pritur që të marrë mbesën. Por, menjëherë kanë ardhur dy policë, të cilën i kanë vënë gjobë atij edhe pse nuk ka tabelë që ndalon qëndrimin e mjetit.
Shoferi i ka filmuar policët, duke e nisur në redaksinë e JOQ debatin më ta, por ata janë shprehur: “Shko ankohu, na lër të bëjmë punën tonë”.
Megjithatë, “e bukura” vjen 1 minutë pas gjobitjes së tij, kur një makinë ndalon pak metar më pas njësoj si automjeti i gjobitur dhe policët kalojnë pranë saj duke mos marrë asnjë gjobë.
Kësaj i thonë njëri i nënës, tjetri i vjehrrës!
‘’Përshëndetje JOQ. Një gjobë e vënë padrejtësisht në lagjen e kombinatit. Ndërkohë që hapa krahun me sinjal bllokim rruge që të merrja kushërirën e vogël nga shkolla. Kishte edhe makina të tjera të parkuara aty, e pyes policin pse vë gjobë kur s’ka tabelë që ndalohet qëndrimi i mjetit. Po bëj punën time më tha. Publikojeni këtë rast ju lutem të kuptojnë se kush është policia që duam. Policët kaluan te një makinë tjetër e cila kishte hapur krahun tekstualisht si unë edhe nuk i vendosën gjobë (videoja e dytë). Bëra ankesë në rajonin nr.6 të Kombinatit, më thanë që nuk gjykojmë kolegët tanë, ka zyrë ankesash në ministri. Fola me zyrën e ankesave dhe do më kthejnë përgjigje pas 30 ditësh. Unë jam përkohësisht këtu sepse jetoj jashtë, publikojeni ta shohin të gjithë si sillen policët ndryshe me dikë e ndryshe me tjerët’’. (MD/SHUPLAKA)
