Cristian Movio, polici që mbeti i plagosur në përballjen me terroristin e sulmit në Berlin, tunizianin 24-vjeçar Anis Amri, është shprehur së fundmi se nuk do që të konsiderohet hero.
“Ne jemi njerëz normalë. Të mos vlerësohemi kaq shumë. Unë nuk jam hero, thjesht bëra detyrën time.”, është shprehur i riu Movio, i cili njoftoi se tani është në gjendje të mirë shëndetësore dhe mund të lëvizë pa shumë dhimbje.
Cristian Movio së bashku me kolegun e tij Luca Scata, mundën të ndalnin në kohë tunizianin Anis Amri, të akuzuar për sulmin në një treg Krishtlindje në Berlin ku mbetën të vdekur 12 persona dhe u plagosën rreth 48 të tjerë.
Ai është kthyer tashmë në shtëpinë e tij për të kaluar festat e fundvitit. Që prej mbrëmjes së 23 dhjetorit, jeta e policit të ri ka ndryshuar. Gjatë këtyre ditëve, ai është përpjekur të mendojë sa më pak për atë përballje që mund të kishte përfunduar edhe ndryshe nëse ai dhe kolegu i tij s’do të kishin reaguar shpejt. (XH.A/SHUPLAKA)
