Vijon të jetë mjaft e tensionuar situata mes banorëve dhe Policisë në zonën e Bregut të Lumit, teksa një efektiv ka kapur prej fyti dhe Klevis Balliun, ish-deputetin e PD-së dhe ka shtyrë duke dhunuar ish-deputetin e LSI-së Endrit Brahimllarin.
Qytetarët kërkojnë që të hyjnë në banesat e tyre, që do të shemben në mënyrë që të nxjerrin prej aty disa rroba, që të mund të vishen, pasi që prej mëngjesit janë nxjerrë jashtë me rrobat e gjumit siç kanë qenë.
Qytetari Avdi Peposhi këmbëngul që të hyjë në banesë, pasi thotë se aty ka dhe fëmnijën e miotur 1-vjeçar.
‘’Më lini që të marr rrobat, se kam qenë gjithë mëngjesin në komisariat, më lini që të marr rrobat”, është thirrja e Peposhit.
Në zonë kanë mbërritur më herët dhe ish-deputetë të opozitës, mes tyre dhe Endrit Braimllari, të cilët po ashtu janë shtyrë me forcë nga ana e punonjësve të Policisë, si dhe nuk janë kursyer as gazetarët e pranishëm.
Ish-deputeti demokrat Klevis Balliu u shpreh se Erion Veliaj që inskenonte skandalin Griselda, tashmë ushtron dhunë të pajustifikuar në drejtim të qytetarëve.
”Njeriu që inskenoi Griseldën, që vrau Ardit Gjoklajn, sot dhunon qytetarët”, u shpreh Balliu.
Ndërkohë që gjatë ditës së sotme pritet që të shemben në total 15 banesa, ndërsa qytetarëve nuk iu është dhënë asnjë zgjidhje për strehim. Edhe 7 familjet që iu prishën banesat një javë më parë, tashmë gjenden me sytë nga qielli, dhe kanë marrë banesa me qera në zonë.
Mediat edhe sot nuk janë lejuar që të afron në zonë, ndërsa as përfaqësuesit e Avokatit të Popullit nuk kanë dhënë asnjë prononcim për gazetarët.
(E.K/FAXWEB.AL)
Discussion about this post