Polici kufitar i kërkon lekë qytetarit: Ti ke hëngër bukë po ne s’kemi ngrënë hala (Video)

Emisoni “Stop” ka denoncuar mbrëmjen e sotme një tjetër rast korrupsioni. Këtë herë një polic i kërkon para qytetarit nga Rugova i Kosovës.

Qytetari ndërsa do kalonte në pikën doganore të Kukësit kishte në makinën e tij rroba edhe dy televizorë të vjetër por polici i pikës doganore i kërkon që të shkarkojë mallin. Qytetari i kërkon të mos e vonojë më tepër pasi ndihej i lodhur prej rrugës nga Milano deri në pikën doganore të Kukësit.

Ndësa polici për t’i marrë atë që kërkonte e”vë në sedër” qytetarin duke i thënë: Je shqiptar apo jo? Ndërmjet një kamere të vendosur në makinën e tij qytetari solli publikimin e të gjithë bisedës me policin që ka bërë në pikën doganore të Kukësit.

Një pjesë e bisedës:

Polici: Ec pak mbrapa. Si kalove?

Qytetari: Mirë faleminderit, ti?

Polici: Nga po vjen ti shefi?

Qytetari: Nga Durrësi, prej Italisë.

Polici: Prej Italisë, ma jep kartën e identitetit.

Qytetari: Të Italisë apo të Kosovës?

Polici: Çfarë të kesh. Çfarë ke ngarkuar këtu?

Qytetari: Kontrolloje dhe ti se kanë kontrolluar krejt, dy televizore dhe rroba.

Polici: Asgjë tjetër ëëë po a mundesh me hap bagazhin?

Qytetari: Po more si jo.

Polici: kujdes se po na del ndonjë lek i jashtëligjshëm.

Qytetari: A keni ndonjë skanër?

Polici: Po për skaner thashë.

Qytetari: Ti e di aman se jam vonë vetëm mos më vono.

Polici: Si?

Qytetari: Ti kryejmë po them se jam vonë edhe unë. Se kam udhëtuar drejt Milanos, 12 orë rrugë.

Polici: S’jemi duke të vonuar o shok.

Qytetari: Po ta kryejmë të paktën.

Polici: Shqiptarë jemi dhe nuk jemi duke u marr vesh.

Qytetari: Po thuaje troç o burrë.

Polici: Ça të them torç?

Qytetari: Të të jap një kafe?

(J.V/Shuplaka)