Blogeri Olti Curri është përfshirë në një debat online me një punonjës të Policisë së Shtetit ku nuk kanë munguar as ofendimet dhe sharjet e ndërsjella.
Shkak është bërë një postim që Olti ka publikuar duke i bërë thirrje policisë së shtetit, e asaj kundër krimit informatik lidhur me skandalin e publikimit të mesazheve private të aktores së 2XL Eljona Pitarka.
Ndërkohë që pas shkëmbimit të komenteve, djali që mendohet të jetë punonjës policie i komisariatit numër 4 në Tiranë, Emiljano Vasha i është kundërpërgjigjur blogerit me fjalë fyese duke e cilësuar atë një obez, trashaluq dhe pseudoanalist për çeshtjet e moralit.
Por edhe replika e Oltit nuk ka munguar duke përmendur edhe faktin se i riu ishte nip i Drejtorit të Përgjithshëm të Policisë së Shtetit, Haki Çako.
“Ai lume sharjesh per mua erdhi pasi permenda policine dhe ai deshi te mbroje edhe pse me ofendime koleget, madje nuk i behej vone per keto ofendime publike, por jo. Thjesht sipas mesazheve qe erdhen inbox mesova se ai eshte nipi (familjar) i Drejtorit te Pergjithshem te Policise Z.Haki Çako…Kjo i sqaron te gjitha. Emiljano ti je me i miri, je polici shembullor, polici qe duam, une jam obez ti je yll, rrofte meritokracia… P.S. Sqaroje Hakiun qe obez e kishe per mua”, ka qenë kundërpërgjigja e Oltit.
Pas bisedave të gjata blogeri sqaron se ka pasur një komunikim me drejtorin e Policisë Çako ku ky i fundit ka sqaruar se polici është pezulluar nga puna. Sipas asaj që Çako ka thënë figura dhe dinjiteti i punonjësve të Policisë është prioritare.
“Mirënjohje për reagimin profesional dhe korrekt të Drejtorit të Përgjithshëm të Policisë z. Haki Çako…Edhe polici më i thjeshtë është imazh i Policisë së shtetit”, shkruan Curri.
(E.K/SHUPLAKA)
