Një 34-vjeçar nga Korça ka denoncuar sot dhunën fizike të ushtruar nga operativi i zonës dhe shefi i Krimeve të komisariatit të Maliqit.
Rodolf Merolli dyshohej si autor i vjedhjes së një banese në fshatin Vloçisht. Babai i tre fëmijëve është marrë forcërisht nga lokali i fshatit dhe me pas është dhunuar në publik.
Kjo është një video e debatit me policin ku ky i fundit nuk i ka kursyer sharjet dhe ofendimet kundrejt qytetarit.
Debati:
Qytetari: Në qoftë se unë kam bërë gabim respekto ligjin
Polici: Ore do të të thyej brinjët po u solle kështu
Qytetari: Unë nuk të kundërshtova
Polici: Ore kokrra e legenit.
Policia e Korçës pritet të dalë me një reagim zyrtar pas ngjarjes.
Dëshmitar i dhunës së policisë ka qenë kryetari i fshatit Vlocisht, Florand Demirllari. Më pas ai është dhunuar me grushte dhe sende të forta nga punonjësit e policisë, duke i shkaktuar gjakosje dhe hematoma në të gjithë trupin.
“Isha i gatshëm të jepja sqarime për policinë. Dhuna ndaj meje, e pajustifikuar. Më rrahën sa më doli gjak nga hundët dhe trupin e kam të nxirë”, tha Merolli, ndërsa akuzoi për dhunë Artan Lilollarin (operativi i zonës) dhe Ilir Hamzan, (shefi i Krimeve të komisariatit të Maliqit).
34-vjeçari është dhunuar në prezencë të vajzës së tij të mitur kur policia po ushtronte kontroll në banesën e tij.
(M.D/Shuplaka)
