Policia e Vlorës është duke kryer një operacion të gjerë për kapjen e personave të shpallur në kërkim për vepra penale që lidhen kryesisht me kultivimin dhe trafikimin e lëndëve narkotike.
Burime bëjnë me dije se aksioni është përqendruar kryesisht në fshatrat e lumit të Vlorës, ndërsa 4 persona janë arrestuar në fshatin Kote.
Po ashtu të njëjtat burime bëjnë me dije se një prej personave të arrestuar është i dyshuar për djegien e një makine në qytetin bregdetar të Vlorës.
Nuk dihen ende identitetet e personave që janë vënë në pranga, ndërsa numri i tyre pritet të rritet pasi aksioni është në vijim.
