Policia e Tiranës ka vënë tre persona në pranga pas sherrit në zyrën elektorale në Bërxull. Tre personat, Ali Sula, Naim Picari, dhe Xheferr Sefa, janë konfliktuar me njëri tjetrin, ku për pasojë ka mbetur i dëmtuar me mjete prerëse Ali Sula, i cili për fat të mirë ndodhet jashtë rrezikut për jetën.
“Policia e komisariatit të Vorës ka arrestuar në flagrancë shtetasit:
-Ali Sula, 40 vjeç, banues në Bërxull, Tiranë.
– Naim Picari, 42 vjeç, banues në Marqinet, Tiranë.
– Xheferr Sefa, 54 vjeç, banues në Bërxull, Tiranë.
Arrestimi i tyre u bë pasi në qendër Bërxull, përball lokalit të shtetasit G.Gj., ambjent i kthyer në zyrë elektorale për një subjekt politik, shtetasit e sipër përmendur, janë konfliktuar me njëri tjetrin, ku për pasojë ka mbetur i dëmtuar me mjete prerëse shtetasi Ali Sula, i cili ndodhet jashtë rrezikut për jetën.
Materialet proceduriale do ti kalojnë Prokurorisë pranë Gjykatës së Shkallës së Parë Tiranë, për veprat penale “Pengimi i subjekteve zgjedhore”, “Përdorim i funksionit publik për veprimtari politike ose zgjedhore”, “Kanosja për shkak të detyrës”, “Prishja e qetësisë publike” dhe “Plagosja e lehtë me dashje”, parashikuar nga nenet 325, 328, 238/a, 274 dhe 89 të Kodit Penal.”, thuhet në njoftimin e policisë. (B.H/Shuplaka)
Discussion about this post