Policia asgjëson 542 rrënjë kanabis në Skrapar, ndalohet kryeplaku i fshatit

Në Skrapar janë asgjësuar nga policia 542 rrënjë kanabis.  

Nga ana e policisë është  ndaluar nga policia kryeplaku i fshatit, 64 vjeçari Sefer A  për moskallzim të krimit.  Bimët e drogës u gjetën në fshatin Gurazezë.

Detaje:

Në vijim të  masave të marra për parandalimin, evidentimin dhe goditjen e rasteve të kultivimit të bimëve narkotike Cannabis Sativa, si rezultat i kontrollit të territorit si dhe  në bazë të informacioneve të siguruara në rrugë operative, rezultoi se:

Më datë 17.08.2017 në   “Pyllin e Gjonbashit”, mbi fshatin Gurazezë, në toka të hapura rishtas në pyll,  u gjetën të kultivuara 542 rrënjë bimë narkotike Cannabis Sativa.

Bimët  ishin të kultivuara nga 1 deri në 3 bimë  në një gropë dhe varionin nga 15 deri në 45 centimetra të larta.

Pas kryerjes së veprimeve me grup hetimor në konsultë me Prokurorin, bimët u  asgjësuan në vend me anë të djegies, ku disa bimë u sekuestruan në cilësinë e provës materiale.

Seksioni për krimet ka bërë ndalimin e shtetasit Sefer A, 64 vjeç, banues në fshatin Gurazezë, me detyrë kryeplak i fshatit, pasi dyshohet se ka konsumuar elementet e veprës penale të “Moskallëzimit të krimit”.

Vijojnë hetimet për identifikimin dhe kapjen e autorëve.

Materialet i kaluan Prokurorisë së Rrethit Gjyqësor Berat, për veprën penale ”Kultivimi i bimëve narkotike”, parashikuar nga neni 284  dhe për veprën penale “Moskallëzim i krimit” në ngarkim të shtetasit Sefer Ahmetaj parashikua nga neni 300 i Kodit Penal.  (J.V/Shuplaka)