Policia Bashkiake e Tiranës, pas një kohe duket sa ka vazhduar sërish aksionin për spastrimin e rrugëve të kryeqytetit nga shitësit ambulant.
Ditën e sotme dy nga punonjësit e Policisë Bashkiake, gjatë debatit me një të moshuar që po shiste fiq dhe manaferra në rrugë, i kanë hedhur këto të fundit me shkelm dhe i kanë përhapur në tokë.
Në një gjendje të tillë, i moshuari është ulur për t’i mbledhur ato me të cilat nxjerr bugën e gojës një nga një nga trotuari.
Një qytetar shkruan për “JOQ” se “Polica Bashkiake ja hodhi në tokë, i ra me shqelm te Shkolla e Baletit. E ndihmuam të mblidhte fiqtë, por manaferrat i fshiu me fshesë se nuk i mblidhte dot. Ça të bënte më? I hoqi kafshatën e gojës dhe i bërtiste pse del këtu, kështu e doni ju se s’merrni vesh! S’kishte pamje më të dhimbshme se sa ta shikoje kur i fshinte manaferrat me fshesë dhe i hodhi. Rri gjithë ditën në këtë diell t’i shesë për një lek dhe në fund të ditës i shet a jo dhe këta ja hedhin me shqelm. Se fundja s’kishte çfarë t’i sekuestronte, 1 kuti me fiq e një kovë manaferra kishte. Polici sa më pa që po e filmoja i tha kolegut dhe u larguan”, përfundoi qytetari.
(S.SH/Shuplaka)
