Policia Bashkiake ka shkuar dje pasdite në zonën pas pallatit me shigjeta në Tiranë, ku kanë tentuar që të sekuestrojnë mallin e disa tregtarëve romë që shesin me tenda në zonë.
Nuk është hera e parë në fakt që ndaj këtij komuniteti atje ushtrohet presion i vazhdueshëm nga ana e Policisë, edhe pse duhet thënë se tendat e tyre janë pa leje. Aty pranë kalon edhe projekti i Unazës së Re.
Po dje duket se ‘’pilafi nuk ka mbajtur më ujë”. Tregtarët rom iu janë kthyer me çfarë kanë pasur në dorë dhe kanë mbrojtur mallin e tyre. Në videon e publikuar nga ‘’JOQ” shihet momenti kur policia bashkiake sulmohet me dërrasë e përballet fizikisht me tregtarët.
Nuk dihet si ka agravuar më tej situata mes tyre, po në fillim gjithçka është paraqitur mjaft e nxehtë.
(E.K/SHUPLAKA)
Discussion about this post