Vjehrri i Klement Balilit, Avni Veizi në një lidhje telefonike për Fax News ka reaguar për operacionin e befasishëm që policia ka ushtruar sot në banesën private të tij.
Ai është shprehur se policia ka hyrë brenda në shtëpi, dhe ka thyer portën e jashtme, pa pasur asnjë dokument për kontrollin.
“Kishin hyrë brenda në shtëpi, kishin thyer shtëpinë, portën e jashtme, pa pasur asnjë dokument për kontrollin. Të më thoshin që kemi urdhër kontrolli për të kërkuar shtëpinë tuaj. Po çfarë thoni, pse tek unë do vinte ai të fshihej. Ai sheh punën e tij, unë nuk kam asnjë kontakt me të. Isha tek shtëpia e vajzës kur më lajmëruan. Ai kërkon drejtësi sepse ai e ka vuajtur këtë ngjarje. Që në 2006 e kanë marrë me helikopter nga plazhi dhe e kanë arrestuar dhe është hetuar, mbas 6 muajsh e nxorën të pafajshëm. Me një fjalë për këtë person bëhet shumë zhurmë për asgjë, jo çdo njeri që akuzohet është fajtor. “
Për sa i përket sekuestros së pronave të Balilit, Veizi u shpreh se sekuestro është në hetim dhe do të diskutohet sepse ai, nuk ka lidhje me këtë punë pasi janë pronat e vëllait të tij.
“Nuk kam komunikuar nuk e di ku ndodhet dhe jemi të shqetësuar për këtë punë. Do të bëj kallëzim penal në prokurori , për këtë dhunë që kanë bërë në shtëpinë timë” u shpreh Veizi në një lidhje telefonike për Fax News.
Klement Balili është në kërkim për trafik ndërkombëtar droge dhe është ende në arrati; arrestimi i tij nuk është bërë i mundur pavarësisht disa operacioneve blic të Policisë së Shtetit.
(M.Q/Faxweb)
Discussion about this post