Policia bllokon makinën e vëllait të ministrit Koka dhe e shoqëron në komisariat, zbulohet pse

Vëllait të ministrit të Mjedisit, Lefter Koka, Leonard Kokës i është bllokuar makina nga policia. Makina drejtohej nga i biri i Leonard Kokës në momentin që është ndaluar nga policia. 

Sipas policisë ky bllokim i makinës është bërë rreth orës 13:15 të ditës së sotme. Fillimisht eflektivët e policisë kanë ndaluar makinën që drejtohej nga i biri por më pas aty ka mbërritur edhe vetë Leonard Koka. 

Sipas informacioneve paraprake makina që drejtohej nga i i biri ishte me xhama të zinj.  Pikërisht kjo ka shërbyer edhe si një arsye për këtë bllokim në polici pasi nuk lejohet me ligj qarkullimi i makinave me xhama të zinj. 

Djali i Leonard Kokës është shoqëruar në polici pasi nuk dispononte asnjë dokument për këtë makinë.

Momentalisht në polici është duke u marrë në pyetje Leonard Koka për këtë makinë.  Pas kësaj Leonard Koka u paraqit vetë në polici për të marrë informacion mbi këtë situatë. 

(J.V/Shuplaka)