Detaje të reja zbulohen nga operacioni i madh që po zhvillohet mbrëmjen e sotme në qytetin e Elbasanit, në këto orë të vona të natës. Mësohet se forcat e policisë në bashkëpunim me forcat RENEA, janë vënë në kërkim të një 51-vjeçari me inicialet A.M, i cili dyshohet për ngjarjen e ndodhur ditën e sotme, në aksin Xibrakë-Elbasan, ku pati disa të shtëna.
Bardhë e blutë dhe Renea kanë rrethuar zonën nga bashkia, si dhe rrugicat nga sporti vjetër dhe po punojnë për kapjen e A.M-së, i cili arrit t’i largohej policisë pas arrestimit. Ai konsiderohet si person me rrezikshmëri të lartë.
Mediat lokale bëjnë me dije se forcat e shumta të policisë, mbajnë armët gati për të qëlluar dhe qytetarët ndihen të frikësuar.
DETAJET E POLICISË
Operacion i Drejtorisë Vendore të Policisë Elbasan, në bashkëpunim me forcat speciale Renea.
Lidhur me ngjarjen e ndodhur ditën e sotme në aksin rrugor Elbasan – Xibrakë forca të shumta policie po punojnë për kapjen e shtetasit A.M., 51 vjeç banues në Elbasan si i dyshuar për ngjarjen e ndodhur ditën e sotme.
Ndaj tij materialet do ti kalojnë Prokurorisë së Rrethit Gjyqësor Elbasan për veprime të mëtejshme për veprën penale “Vrasje me dashje e mbetur në tentativë e kryer në bashkëpunim” dhe ” Prodhimi dhe mbajtja pa leje e armëve luftarake dhe e municionit” parashikuar nga nenet, 76, 22, 25 dhe 278 të Kodit Penal. (D.D/Shuplaka)
Discussion about this post