Policia dhe prokuroria në Amsterdam kërkojnë nga qeveria pezullimin e vizave për shqiptarët. Këtë kërkesë e kanë bërë përmes një raporti dërguar qeverisë.
Sipas autoriteteve holandeze, shaiptarët gjithnjë e më shumë luajnë një rol të rëndësishëm në trafikimin e drogës.
Udhëtimi lirshëm në Holandë konsiderohet si një nga arsyet kryesore që ka sjellë këtë rritje të kriminalitetit në këtë vend.
Në raport, policia dhe prokuroria holandeze kërkojnë rikthimin e vizave, pasi në këtë mënyrë do të kishte më shumë kontrolle për lëvizjen e shqiptarëve në këtë shtet.
“Shqiptarë janë udhëheqës të linjave të drogës nga Amerika e Jugut në Evropë, me Amsterdamin dhe Roterdamin qendra të rëndësishme të shpërndarjes” thuhet në raport.
Ky raporti iu dorëzua edhe Ministrit të Sigurisë dhe Drejtësisë dhe kërkohet marrja sa më e shpejtë e një vendimi. (D.D/Shuplaka)
