Roberto Vargas, i konsideruar si pasardhësi i Pablo Escobar është vrarë në Kolumbi së bashku me një dyzuinë personash të armatosur që e shoqëronin. Policia dhe ushtria të ndihmuar dhe nga helikopterët kanë ekzekutuar supermafiozin Vargas i cili ka terrorizuar Kolumbinë Veriore me bandën e tij kriminale. Vargas ishte duke shikuar një ndeshje futbolli mes Kolumbisë dhe Venazuelës kur është brarë nga forcat e sigurisë.
“Jeta e Vargas, i njohur ndryshe me pseudonimin “Gavilan” (fajkoi), është shënuar nga gjakderdhja dhe armët”, shkruajnë mediat lokale
Ai ishte kthyer në numrin 2 të të kartelit të Gjirit, më i rëndësishmi në vend e që përveç drogës kontrollon edhe biznesin e shfrytëzimit të minerareve ilegale.
Vdekjen e tij e ka konfirmuar edhe presidenti Juan Manuel Santos përmes një postimi në rrjetin social Twitter. Për kokën e “pasardhësit” të Escobar ishin vendosur rreth 2 milionë dollarë. (B.H/Shuplaka)
Discussion about this post