Një shqiptar nga Kosova ka rënë në prangat e policisë, pasi akuzohej për terrorizëm.
30 vjeçari Enos Begolli u arrestua në Morinë, pas një operacioni për strukturat e anti terrorit të policisë së Kukësit.
Mësohet se Begolli ka lindur në Mitrovicë dhe ishte shpallur në kërkim nga autoritetet kosovare.
Njoftimi i policisë:
“Strukturat e Policisë së Shtetit në kuadër të masave të marra për garantimin e rendit dhe sigurisë si dhe parandalimit të ngjarjeve kriminale, terroriste gjatë kryerjes së veprimeve operacionale me metoda speciale bënë të mundur lokalizimin dhe kapjen e një personi në kërkim, shtetasit kosovar Enos Begolli, 30 vjec, lindur dhe banues në Mitrovicë Kosovë.
Ky shtetas ishte shpallur në kërkim nga autoritetet kosovare për “Terrorizëm”, dhe ishte i shpallur në kërkim nga autoritetet kosovare, pasi ka qenë i dënuar nga ky shtet me 4 vite burg, si i dyshuar se ka qenë luftëtar në Siri si pjestar i ISIS.” (D.D/Shuplaka)
Discussion about this post