Ështe zbardhur vrasja e 29-vjeçarit Vasil Dervishaj që ndodhi dy netë më parë në Vlorë.
Kanë qenë dy autorë ata që kanë kryer vrasjen e 29-vjeçarit. Dy autorët janë shpallur në kërkim nga ana e Policisë së Vlorës.
E.A., 31 vjeç, lindur në Tepelenë dhe banues në Vlorë;
A.C., 28 vjeç, lindur në Tepelenë dhe banues në Vlorë.
Ka qenë drejtori i Policisë së Vlorës Gentian Shehaj ai që ka bërë publike detajet për mediat.
Po ashtu janë arrestuar dy persona që kanë qenë bashkëpunëtorë në krim, emrat e të cilëve janë bërë të ditur si më poshtë:
Nekid Arapi, 21 vjeç, banues në Vlorë,
Amarildo Grembi (Muka), 28 vjeç, banues në Vlorë.
Policia e Vlorës në bashkëpunim me Prokurorinë po vijojnë punën për kapjen dhe ndalimin e shtetasve të shpallur në kërkim dhe vënien e tyre para përgjegjësisë ligjore.
Në cilësinë e provës materiale janë sekustruar:
– një armë zjarri kallashnikov model 56, me një krëhër me fishekë.
– një gëzhojë armë zjarri, model 9 mm,
– një pjesë predhe armë zjarri e dëmtuar.
– si dhe një automjet tip “Audi”, me të cilin dyshohet se janë larguar autorët pasi kanë kryer krimin.
Materialet hetimore iu referuan Prokurorisë Pranë Gjykatës së Shkallës së Parë Vlorë, në ngarkim të:
– Shtetasve E.A., dhe A.C., për veprën penale “Vrasje me paramendim e kryer në bashkëpunim” dhe “Mbajtje pa leje të armëve dhe municioneve luftarake” parashikuar nga nenet 78, 25 dhe 278 të Kodit Penal.
– Shtetasit Nekid Arapi dhe Amarildo Grembi për veprën penale “Përkrahja e autorit të krimit” parashikuar nga neni 302 i Kodit Penal.
(E.K/FAXWEB.AL)
