Policia e Vlorës në aksion, kapen dy shtetas të shpallur në kërkim për vepra të ndryshme penale. Njëra prej tyre nën akuzën e mashtrimit dhe tjetri për shitjen dhe prodhimin e lëndëve narkotike.
Konkretisht : Alma Ruçi, 55 vjeçe, banuese në Vlorë. Shtetësia e mësipërme është shpallur në kërkim pasi Gjykata e Rrethit Gjyqësor Vlorë , me vendim të formës së prerë nr.255 datë 21.04.2017, e ka dënuar me 4 vjet burg për veprën penale ”Mashtrimi”, parashikuar nga neni 143/2 i Kodit Penal.
Medi Myftaraj, 25 vjeç, banues në Ksamil. Ndaj këtij shtetasi Gjykata e Rrethit Gjyqësor Vlorë, me vendim Nr.234, datë 30.05.2013, e ka dënuar me 3 vjet e 4 muaj burg, për veprën penale ”Prodhimi dhe shitja e narkotikëve”, parashikuar nga neni 283 i Kodit Penal. Materialet janë Referuar në Prokurori për veprime të mëtejshme proçeduriale.
