Turistët shqiptarë në Francë janë hasur me një situatë të pazakontë dhe të mërzitshme. Edhe në shkrimin e “Le republicain Lorrain” shpjegohet tortura që u është bërë turistëve shqiptarë në Metz. Arsyeja kryesore e këtij kontrolli ishte një operacion rutinë nga ana e policisë, doganave dhe policisë kufitare.
Autobusi me turistë nga Shqipëria është kontrolluar në Avenue Foch. Sipas medias franceze ky ishte një operacion i parëndësishëm për policinë, i cili ndikoi shumë në trafikun rrugor. Ndërsa një shqiptar që ka qenë atje i pranishëm është shprehur se ndaj turistëve është ushtruar një sjellje e ashpër, madje një gruaje i ka rënë edhe të fikët, shkuan Jeta Osh Qejf.
“Terror sot (dje) në mes të qytetit të Metzit në Francë, ndalohet autobusi me turistë shqiptarë, i zbritën të gjithë në tokë, valixhet i shpërndanë nëpër rrugë, policia dhe xhandarmëria me armë, një gruaje të moshuar i ra të fikët, isha vet aty dhe I pashë, por si pëfundim nuk ndodhi asgjë”, thotë shqiptari për Jeta Osh Qejf.
Edhe vetë mediat franceze e kanë dënuar ashpër këtë lloj kontrolli. Por nuk duhet të harrojmë që Franca është nën masa të rrepta sigurie për shkak të sulmeve tërroriste që kanë përfshirë Europën muajt e fundit. (J.V/Shuplaka)
Discussion about this post