Bëhet me dije se opoizta ka bërë një kërkesë në Polici që ti jepët leje 24 orëshe për protestën e cila është thirrur për ditën e nesërme që pritet të nisë në orën 11:00.
Mësohet se Policia ka dhënë leje që të zhvillohet protesta vetëm për datën 16 mars, dhe duhet të mbarojë po ditën e nesërme dhe jo të vijojë edhe gjatë ditës së diel, sikurse ishte edhe kërkesa e opozitës.
Plani I masave nga ana e Policisë për mbarëvajtjen e protestës pritet të jetë I njëjtë me ato të protestave të mëparshme ndërkohë që një pjesë e akseve në afërsi të vendit ku do të zhvillohet protesta do të jenë të bllokuara për automjetet.
Më poshtë është plani i masave nga ana e Policisë së Shtetit:
Garantimi i lirisë së veprimtarisë, të lëvizjes dhe të qasjes së papenguar në mjediset e misioneve diplomatike dhe në disa institucione të rëndësishme shtetërore, e bëjnë të pamundur lejimin e protestës së opozitës në rrugën “Ismail Qemali”.
Por nga ana e Policisë së Shtetit dhe e autoriteteve vendore policore të Tiranës janë mundësuar mjedise të mjaftueshme si Bulevardi “Dëshmorët e Kombit”, i cili është shfrytëzuar historikisht për qëllime të tilla dhe që ofron hapësira të mjaftueshme edhe për pjesëmarrje masive.
Policia e Shtetit kërkon mirëkuptimin dhe bashkëpunimin e qytetarëve përgjatë kontrolleve të shtuara, që ajo është e detyruar të zhvillojë në disa akse kryesore rrugore dhe në mjedise të tjera me rëndësi, në interes të sigurisë së qytetarëve dhe të vetë protestës.
Discussion about this post